Komunikabideak eta sare sozialak Indiak bizi duen egoera larriaren berri ematen ari dira, 1947an independentzia lortu zuenetik ezagutu duen osasun-krisirik okerrenaren berri.
Herrialdeko ospitaleek ez dute kutsatutako milioika pertsonak artatzeko edukierarik. Ez dago ez botika nahikorik, ez oxigenorik, ez ohe nahikorik.
Apirilaz geroztik, kutsatzeek % 350 egin dute gora egunero eta kopuru horrek gora egiten jarraitzen du egunez egun. Indiak, une honetan, munduko kutsatzeen % 40 ditu. Agertokia benetan da kezkagarria eta egoerak okerrera egingo duelako mehatxua bene-benetakoa da.
Alboan eta Entreculturas jesuiten GKE-eko kideok, Xavier Sarearekin —garapenerako erakunde jesuiten nazioarteko sarea— lankidetzan, koordinatu egin gara kalteberatasun-egoera berezian dauden pertsonei eta komunitateei laguntzeko: landa-eremuetako komunitateak, auzo marjinaletako komunitateak eta migratzaileak.
Lan hori estatu hauetan ditugun erakunde aliatuekin gauzatzen dugu: Gujerat, Tamil Nadu, Delhi, Bihar, Jharkhand, Maharashtra, Andhra Pradesh eta Kerala.
Gure berehalako erantzunak honako hauek izango ditu helburu:
- Elikagaiak banatzea.
- Higiene- eta babes-kitak entregatzea.
- Material medikoa eta botikak banatzea eta hango osasun-langileei laguntzea.
- Kutsadura saihesteko informazio- eta sentsibilizazio-kanpainak egitea.